വൈക്കം ശ്രീമഹാദേവ കോളേജിൽ സ്ഥാപന വനം പദ്ധതിക്ക് ഇന്ന് തുടക്കമാകുന്നു. വൈക്കം: ശ്രീമഹാദേവ കോളേജിൽ സംസ്ഥാന വനം വകുപ്പിൻ്റെ നേതൃത്വത്തിലുള്ള ഇൻസ്റ്റിറ്റ്യൂഷൻ ഫോറസ്റ്റ് പദ്ധതിക്ക് ഇന്ന് തുടക്കമാകുന്നു. കോളേജിലെ ഒരേക്കർ സ്ഥലത്ത് വനവൃക്ഷങ്ങൾ വച്ച് പിടിപ്പിച്ച് നിബിഡ വനമാക്കി മാറ്റുകയാണ് പദ്ധതിയിലൂടെ ലക്ഷ്യമിടുന്നത്. അമൂല്യങ്ങളായ നൂറിലേറെ വൃക്ഷങ്ങളുടെ വലിയ ശേഖരമാണ് പദ്ധതിയിലുള്ളത്. കോളേജ് അങ്കണത്തിൽ വൃക്ഷത്തൈ നട്ടു കൊണ്ട് മുനിസിപ്പൽ ചെയർപേഴ്സൺ രേണുക രതീഷ് പദ്ധതിയുടെ ഉദ്ഘാടനം നിർവ്വഹിക്കും. കോട്ടയം സോഷ്യൽ ഫോറസ്ട്രി അസിസ്റ്റൻ്റ് കൺസർവേർട്ടർ കെ എ സാജു പദ്ധതി വിശദീകരണം നടത്തും. പ്രിൻസിപ്പൾ ഡോ എസ് ധന്യ അധ്യക്ഷത വഹിക്കുന്നതാണ്. മുനിസിപ്പൽ വൈസ് ചെയർമാൻ പി ടി സുഭാഷ് മുഖ്യ പ്രഭാഷണം നടത്തും. മനേജർ ബി മായ , പി കെ നിതിയ ,ബിച്ചു എസ് നായർ, ശ്യാമ ജി നായർ , ശ്രീലക്ഷ്മി ചന്ദ്രശേഖർ ,ശ്രീജ എം എസ് എന്നിവർ പങ്കെടുക്കും പദ്ധതിയുടെ ഭാഗമായി "ഒരു കുട്ടി, ഒരു മരം " എന്ന പേരിൽ ബൃഹത്തായ വന യജ്ഞം കോളേജിൽ ആരംഭിക്കുമെന്ന് വൈസ് പ്രിൻസിപ്പാൾ പി കെ നിതിയ അറിയിച്ചു.